சிவ புராணம் ( 56 )

56. சிவ க்ஷேத்திரங்கள்

சிவபெருமான் அறுபத்தெட்டு க்ஷேத்திரங்களில் எழுந்தருளியுள்ளதை விசேஷமாகக் கூறுவர். அந்த க்ஷேத்திரங்களும் அங்கே எழுந்தருளியுள்ள பகவானின் திருநாமங்களும் பின்வருமாறு கூறப்பட்டுள்ளன.

வாரணாசியில் மகாதேவன்;

பிரயாகையில் மகேசுவரன்;

நைமிசாரண்யத்தில் தேவதேவன்;

கயையில் பிதாமகன்; 

குரு க்ஷேத்திரத்தில் காலேசன்;

பிரபாசத்தில் சசிபூஷணேசன்,

புஷ்கரத்தில் கந்தேசன்;

விமலேசுவரத்தில் விசுவேசன்;

அட்ட காசத்தில்  மகாநாதேசன்;

மருகோடத்தில் மகோற்கடேசன்; 

சங்கு கர்ணத்தில் மகாதேஜசன்;

கோகர்ணத்தில் மகாபலேசன்;

ருத்திர கோடியில் மகாயோகீசன்;

ஸ்தலேசத்தில் மகாலிங்கேசன்;

அவந்தியில் மகாகானேசன்;

மத்தியமேசத்தில் சர்வேசன்;

கேதாரத்தில் ஈசானேசன்;

ஹிமாசலத்தில் ருத்திரேசன்; 

சுவர்ணாக்ஷத்தில் காசிராசன்;

விருக்ஷத்தில் ரிஷபத்துவ ஜேசன்; 

பைரவத்தில் பைரவேசன்;

பத்திரபதத்தில் பத்திரேசன்;

கனகலையில் உக்கிரேசன்;

பத்திர கர்ணத்தில் இடுதபேசன்;

தேவதாரு வனத்தில் பின்னேசன்;

கபிஜங்கலத்தில் சண்டேசன்; 

சுரண்டத்தில் ஊர்த்துவகேது;

மங்களாண்டத்தில் அமர்த்தீசன்;

கிருத்திவாசத்தில் வரதேசன்;

ஆமிராடிகத்தில் சூக்க்ஷமேசன்;

காளஞ்சரத்தில் நீலகண்டேசன்;

மண்டலேசுவரத்தில் ஸ்ரீகண்டேசன்;

சித்தேசத்தில் தியான சித்தேசன்;

உத்தரதேசத்தில் காயத்திரி ஈசன்;

காஷ்மீரத்தில் விஜயேசன்;

சமருகேசத்தில் ஜயேசன்;

யமசியங்கத்தில் தாணேசன்;

காவீரகத்தில் காபிலேசன்;

காயாவதாரத்தில் லகுளீசன்; 

தேவி காவில் உமாபதி;

ஹரிசந்திரத்தில் ஈசுவரன்;

புரசந்திரத்தில் சங்கரன்;

காலேசுவரத்தில் ஜடேசன்;

குக்குடேசத்தில் கௌமியேசன்;

சந்தியாக்ஷேத்திரத்தில் தாமிரேசன்;

வெதிரியில் திரிலோசனேசன்;

ஜலேசத்தில் திரிசூலி;

ஸ்ரீசைலத்தில் திரிபுராந்தகேசன்;

லேபனத்தில் பசுபதி;

அங்கேசத்தில் தீப்தேசன்;

கங்காசாகர சங்கமத்தில் அமருகேசன்;

அமரகண்டத்தில் ஓங்காரேசன்;

சப்த கோதாவரியில் பீமேசன்;

பாதாளத்தில் ஆமகேசன்;

கர்ணிகாரத்தில் கணத்தியக்ஷன்;

சைலாசத்தில் திரிபுராந்தகேசன்;

ஹேமகூடத்தில் விரூபாக்ஷன்;

சந்தமானத்தில் பூர்ப்புவஸ்ஸூவஸ்வேசன்;

திடீசத்தில் அனலேசன்;

தலேசத்தில் ஜ்வலலிங்கேசன்;

கிராதத்தில் கைராதேசன்;

விந்தகிரியில் வாரகேசன்;

கங்காஹ்ருதத்தில் ஹிமஸ்தானேசன்;

வடவா முகத்தில் மானவேசன்;

தீர்த்தத்தில் சிரேஷ்ட கோடீசன்;

இஷ்டகா பதத்தில் விசிஷ்டேசன்;

குசுமபுரத்தில் பிரகாசேசன்;

இலங்கையில் அளகேசன்.

இந்த விதமாக அறுபத்து எட்டு இடங்களில் பகவான் எழுந்தருளியிருப்பது சிறப்பாகச் சொல்லப்பட்டிருக்கிறது. இந்த க்ஷேத்திரங்களுக்குச் சென்று தரிசிக்க முடியாதவர்கள் இந்தப் பெயர்களை ஸ்மரித்தாலே அந்தப் பலனை அடைவார்கள்.

ஹரி ஓம் !!