அபிராமி அந்தாதி
பாடல் 49
குரம்பை அடுத்துக்
குடி புக்க
ஆவி
வெம் கூற்றுக்கு இட்ட
வரம்பை அடுத்து
மறுகும் ,
அப்போது
வளைக்கை அமைத்து
அரம்பை அடுத்த
அரிவையர் சூழ வந்து
அஞ்சல் என்பாய் !
நரம்பை அடுத்த
இசைவடிவாய்
நின்ற நாயகியே !
தொடரும் .....
அபிராமி அந்தாதி
பாடல் 48
சுடரும் கலைமதி
துன்றும்
சடைமுடிக் குன்றில்
ஒன்றிப் படரும்
பச்சைக் கொடியைப்
பதித்து நெஞ்சில்,
இடரும் தவிர்த்து
இமைப்போது இருப்பார்
பின்னும் எய்துவரோ
குடரும்,
கொழுவும்,
குருதியும் தோயும்
குரம்பையிலே !
தொடரும் ....
அபிராமி அந்தாதி
பாடல் 47
வாழும்படி
ஒன்று கண்டு கொண்டேன்
மனத்தே !
ஒருவர்
விழும்படி யன்று ,
விள்ளும்படி யன்று .
வேலை நிலம்
எழும் பருவரை
எட்டும் எட்டாமல்
இரவு பகல்
சூழும் சுடர்க்கு
நடுவே கிடந்து
சுடர்கின்றதே !
தொடரும் ......
அபிராமி அந்தாதி
பாடல் 46
வெறுக்கும் தகைமைகள்
செய்யினும்
தம் அடியாரை மிக்கோர்
பொறுக்கும் தகைமை
புதிய தன்றே !
புது நஞ்சை உண்டு
கறுக்கும் திருமிடற்றான்
இடப்பாகம் கலந்த பொன்னே !
மறுக்கும் தகைமைகள்
செய்யினும்
யான் உன்னை
வாழ்த்துவனே !
தொடரும் ....
அபிராமி அந்தாதி
பாடல் 45
தொண்டு செய்யாது,
நின் பாதம் தொழாது,
துணிந்து
இச்சையே பண்டு செய்தார்
உளரோ, இலரோ ?
அப்பரிசு,
அடியேன் கண்டு செய்தால்,
அது கை தவமோ ,
அன்றிச் செய்தவமோ ?
மிண்டு செய்தாலும்
பொறுக்கை நன்றே,
பின் வெறுக்கை யன்றே !
தொடரும் ....
அபிராமி அந்தாதி
பாடல் 44
தவளே !
இவள் ,
எங்கள் சங்கரனார்
மனை மங்கலமாம் !
அவளே ,
அவர் தமக்கு
அன்னையும் ஆயினள் !
ஆகையினால்,
இவளே,
கடவுளர் யாவர்க்கும்
மேலை இறைவியும் ஆம் !
துவளேன் இனி,
ஒரு தெய்வம் உண்டாக
மெய்த் தொண்டு செய்தே !
தொடரும் ......
அபிராமி அந்தாதி
பாடல் 43
பரிபுரச் சீறடி !
பாசாங்குசை !
பஞ்ச பாணி !
இன்சொல் திரிபுர சுந்தரி !
சிந்துர மேனியள் !
தீமை நெஞ்சில்
பரிபுர வஞ்சரை அஞ்சக் குனி
பொரும்புச் சிலைக்கை
எரிபுரை மேனி !
இறைவர் செம் பாகத்து
இருந்தவளே !
தொடரும் ....
